Pato yana Evropaga qaytmoqchi

Faoliyatini Xitoyning "Tyantszin Tsyuantszyan" klubida davom ettirayotgan braziliyalik hujumchi Aleshandre Pato yana Italiya A Seriyaga qaytishni rejalashtirmoqda. Bu haqda italiyalik mashhur jurnalist Janluki Di Martsio xabar tarqatmoqda.

Unga ko‘ra 29 yoshli futbolchi Xitoy klubi bilan amaldagi shartnomani bekor qilish bo‘yicha kelishuvga erishgan. Shu tariqa u yangi jamoasiga erkin agent sifatida kelib qo‘shiladi.

Eslatib o‘tamiz, qishki transferlar davrida unga “Milan”dan ham qiziqishlar bo‘lgan edi. U “rossonerilar” safida 2007-2013 yillarda to‘p surgan.

Ma’lumot uchun, Pato "Tyantszin Tsyuantszyan" safida 2017 yildan buyon to‘p surib kelayotgan edi. U o‘tgan davr mobaynida ushbu jamoa tarkibida jami 60ta o‘yinda ishtirok etib, o‘z hisobiga 36ta gol yozdirib qo‘yishga erishdi.