"Paxtakor" - "Turon". Prevyu

Uzoq muddatli tanaffusdan keyin muxlislar yana "sherlar"ning uy o‘yinini stadiondan kuzatish imkoniyatiga egalar.

"Paxtakor" ushbu turda o‘z uyida "Turon"ga qarshi maydonga tushadi. Birinchi davrada Yaypanda kechgan bahsda 1:1 hisobi qayd etilgan edi. Bu tomonlar o‘rtasidagi Superliga doirasida o‘tkazilgan yagona to‘qnashuv hisoblanadi.

Shuningdek, "Paxtakor" O‘zbekiston kubogida ham "Turon"ni kichik hisobda mag‘lub etgan. "Turon" "Paxtakor"ning O‘zbekiston chempionatidagi 38-raqibiga aylangan.

"Turon" safida Fozil Musaev va Muzaffar Muzaffarov diskvalifikatsiya tufayli ushbu o‘yinni o‘tkazib yuboradi. "Paxtakor"da bunday yo‘qotishlar yo‘q.

"Paxtakor" va "Turon" jamoalari o‘rtasidagi o‘yin 25 sentyabr, shanba kuni soat 18:30da "Paxtakor" stadionida boshlanadi.