"Пахтакор" икки нафар футболчиси билан хайрлашди. Бу ҳақда клуб матбуот хизмати хабар тарқатди.

Манбанинг ёзишича, 2020 йил "шерлар" шарафини ҳимоя қилган Жавоҳир Сиддиқов ва Садриддин Абуллаевнинг шартномаси якунига етгани сабабли, ҳамкорлик тўхтатилди.

Садриддин Абдуллаев узоқ йиллик танаффусдан кейин қадрдон жамоасига қайтиб, икки мавсум мобайнида "Пахтакор" сафида тўп тепди. Жароҳатлар сабабли, кўп учрашувларни ўтказиб юборган Садриддин 22 баҳсда майдонга тушди.

sadr

Жавоҳир Сидиқов сўнгги икки мавсумда жами 33 ўйинда майдонга тушиб, 5 гол муаллифига айланди. 

Матнда хатолик топсангиз, ўша хатони белгилаб, бизга жўнатинг (Ctrl + Enter)