
"Paxtakor" murabbiyi: "Musobaqa mobaynida omadsiz bo‘ldik"
OChL guruh bosqichi 5-turidan o‘rin olgan "Sepaxon" va "Paxtakor" jamoalari o‘rtasidagi o‘yin yakunlandi. Mazkur uchrashuv "sherlar" 1:2 hisobida imkoniyatni boy berdi va guruhda qolib ketdi. O‘yindan keyingi matbuot anjumanida toshkentliklar ustozi Slavche Voyneski quyidagi fiklarni bildirib o‘tdi.
– Bu futbol va unda o‘ta qulay vaziyatlardan foydalana olmasang, shunday yutqazib qo‘yishing mumkin. Bu oddiy o‘yin. G‘alaba uchun gol urish kerak. Urmasang raqib jazolaydi. Omad ham biz tarafda bo‘lmadi. "Duxail" bilan va bugungi o‘yinda qanchalik ko‘p vaziyatlar yaratdik. G‘alaba uchun bemalol etarli edi. Futbolchilar oxirigacha kurashishdi, jonlarini berishdi. Ulardan minnatdorman. Musobaqa mobaynida omadsiz bo‘ldik.
"Sepaxan" yaxshi jamoa. Himoyada jips va tartibli o‘ynaydi. O‘z imkoniyatlaridan foydalanib, jazolab keta oladi. Ular imkoniyatni saqlab qolishdi va kurashni davom ettiradi.
Fikrlar