"Пахтакор" ноҳақ пенальти туфайли ғалабани қўлдан чиқарди

Осиё чемпионлар лигаси гуруҳ босқичининг 1-туридан ўрин олган "Пахтакор" ва "Трактор" жамоалари ўртасидаги ўйин якунланди. Учрашувда 3:3 ҳисобидаги жанговар дуранг қайд этилди.

Голларга "Трактор" сафида Ашкан Дежага ҳамда Муҳаммад Аббосзода (дубль) муаллифлик қилган бўлса, "Пахтакор"нинг 3 голи Драган Черан, Шароф Муҳитдинов ҳамда Ҳожимат Эркиновларнинг номига ёзилди.

Вакилларимиз дастлаб 2 та гол ўтказиб юборганига қарамай, ирода кўрсатиб рақибга 3 та гол билан жавоб қайтаришга муваффақ бўлди. Бироқ ўйиннинг сўнгги дақиқаларида белгиланган ноҳақ пенальти барчасига нуқта қўйди. "Трактор"нинг офсайддаги футболчиси пенальтига сабабчи бўлди. ОЧЛда ВАР тизимининг йўқлиги сабабли ҳакамлар бу вазиятга тўғри баҳо бера олишмади. Шу тариқа, "Трактор" "шерлар"нинг ғолиб бўлишига йўл қўймади. Якунда жамоалар 1 очкодан бўлишиб олди.

"Пахтакор"нинг 2-тур доирасидаги учрашуви 20-апрель куни "Шаржа"га қарши ўтказилади.

• 90+5'
  

  Учрашув якунланди. "Пахтакор" илк турда ҳакамлар хатоси эвазига ғалабани қўлдан чиқарди.

• 90+5'

  Тўп қаршисига келган Шароф Муҳитдинов мўлжалда адашди.

• 90+4'

  Эркиновга нисбатан ишлатилган қўполлик натижасида "шерлар" стандарт вазиятга эга бўлди. 

• 90+2'
  

  Рақиб футболчилари бурчак тўпидан наф чиқара олмади.

• 90'
  

  Учрашувнинг асосий вақтига 4 дақиқа қўшиб берилди.

• 87'

  Футболчиларимиз фаоллик намойиш этишда давом этмоқда.

• 85'
  

  ГОЛ! Ҳисоб тенглашди.

  Аббосзода пенальтидан унумли фойдаланди.

• 85'
  

  Ҳакам хатога йўл қўйди. Дарозамизга пенальти белгиланишига сабаб бўлган футболчи офсайдда эди. Рефери буни кўрмади.

• 82'
  

  ГОООООООООООООООООООООООООЛ! Камбэээээээээээээээээээээк!

  Жарима майдонига ёриб кирган Ҳожимат Эркинов жамоасини олдинга олиб чиқди.

• 80'

  Захирадан ўйинга қўшилган футболчилар ўйинни анча кучайтирди.

• 78'
  

  Рақибига нисбатан қоида бузган Дежага огоҳлантирилди.

• 75'
  

  ГООООООООООООООООООООООЛ! Учрашувда ҳисоб тенглашди!

  Шароф Муҳитдиновнинг кучли зарбаси дарвозадан жой олди.

• 73'

  Йўлдошевнинг жарима майдони ичидан берган зарбасига аниқлик етишмади.

• 71'

  Ҳисобни қисқартирган вакилларимиз олдинга ўтишда давом этмоқда.

• 69'
  

  ГООООООООООООООООООООООООООООООООООООООЛ! Яшавор, Драган!

  Жарима майдони ташқарисидан кучли зарба йўллаган Черан ҳисобни қисқартирди.

• 67'
  

  Қандай вазият!!! Сайфиевнинг зарбасидан кейин рақиб ҳимоячиси дарвозага кириб кетаётган тўпни қайтарди.

• 66'

  Яхши рейд уюштириб жарима майдонига ёриб кирган Эркинов 3 рақибидан ўтди. Бироқ 4-футболчи уни зарарсизлантирди.

• 63'

  Вакилларимиз рақиб қаршилигини синдиришга қийналяпти.

• 61'

  Икки голдан рухланган "Трактор" ҳужумга зўр бермоқда

• 57'
  

  "Пахтакор"да Алижонов ўрнига Йўлдошев, Турғунбоев ўрнига Эркинов туширилди

• 55'
  

  ГОООЛ! Ҳимоячиларнинг ёш болча хатосидан рақиб футболчиси унумли фойдаланди. Аббосзода бирга-бир вазиятда дарвозани ишғол қилди - 0:2

• 54'

  Рашидовнинг жаримадан узатган тўпини дарвозабон эгаллаб олди

• 53'
  

  ГОЛ!  Дежага пенальтидан унумли фойдаланди 

• 52'
  

  Пенальти! Анзур Исмоилов жарима майдони ичида тўпни қўл билан ўйнади

• 50'

  Ҳаммаси яхши ўйинга қайтамиз

• 47'

  Рақиб посбонига тиббий ёрдам кўрсатилмода

• 46'
  

  Иккинчи бўлим бошланди!

• 45+4'
  

  Танаффус!

• 45+4'

  Турғунбоев рақибга нисбатан фол ишлатди

• 45+4'
  

  Биринчи бўлимга 4 дақиқа қўшиб берилди

• 41'

  Драган Чееран "Пахтакор"нинг чиройли ҳужумини бузди. Кераксиз жойда керакси тўп йўқотиш

• 35'
  

  ВУУУУҲ! Стандарт вазиятдан сўнг Черан бош билан зарба йўллади. Рақиб посбонидан супер сейв

• 30'

  "Пахтакор"да яхши имконият бўлганди. Рақиб посбони дастлабки уринишда тўпни эгаллаб олмади, иккнчи ўринишда тўпни ушлаб олди

• 28'

  Тўп назорати яна рақиб томонга ўтди

• 23'
  

  Муҳаммадризо Хонзода огоҳлантирилди

• 22'

  Санжар Қуватовга нисбатан рақиб футболчиси ҳужумда фол ишлатди

• 20'

  "Трактор"нинг 3-рақамли футболчисининг яқин масофадан йўллаган зарбасига аниқлик етишмади

• 18'

  Дердиёкда навбатдаги вазият. Рашидовнинг қанотдан узатган тўпига Эрен бош билан зарба йўллади. Ноаниқ!

• 15'
  

  Черан Дердийокка чиройли узатмани амалга оширди. Эреннинг зарбасини дарвозабон оёқлари билан қайтарди

• 12'

  Сайфиевнинг Сардорга узатмаси ноаниқ чиқди. Футболчилар бир-бирини тушунмай қолди

• 9'

  Ҳимоячининг хатосидан фойдаланган Рашидов дарвозага зарба йўллади, бироз ноаниқ

• 7'

  "Шерлар" бирорта хавфли вазият яратмади. Тўп назорати "Трактор"да

• 4'
  

  "Трактор"нинг бурчак зарбаси самарасиз якун топди

• 3'

  Учрашувни "Трактор" фаолроқ бошлади. "Шерлар" ҳозирча ҳимояланмоқда

• 1'
  

  Учрашувга старт берилди!

• 0'

  Жамоалар майдонга чиқиб келишмоқда

• 0'

  Ассалому алайкум қадрли футбол мухлислари бир неча дақиқалардан сўнг "Пахтакор" ва "Трактор" жамоалари ўртасидаги ўйин бошланади.