"Пахтакор" ва АГМК ОЧЛдаги гуруҳ босқич ўйинларини қаерда ўтказади?

"Пахтакор" 14 апрель куни ОЧЛ гуруҳ босқичидаги юришини бошлайди. Тошкентликлар квартетдаги охирги беллашувни 29 апрель куни ўтказади.

Гуруҳ босқич учрашувлари марказлашган ҳолда ташкил этилади. Ҳозирча, ОФК ўйинларни қаерда ўтказишни расман эълон қилмади. Бироқ таниқли мутахассис Алишер Никимбаев телеграмдаги саҳифасида ёзишича, гуруҳ босқичи мезбонлари аниқланган бўлиши мумкин.

- 15 февраль куни ОФК "Чемпионлар Лигаси-2021" гуруҳ босқичи ўйинларига мезбонлиги учун аризаларни қабул қилишнинг охирги муддати эди. Аммо араб оммавий ахборот воситалари аллақачон қарор қабул қилинганлигини ва бешта гуруҳ Саудия Арабистони ва БАА ўртасида тақсимланишини маълум қилди.

Демак, "Пахтакор" катта эҳтимол билан ўйинларни Шаржада, Душанбенинг "Истиқлол" ва АГМК (агар гуруҳ босқичига чиқса) Ар-Риёдда ўтказади.

Аммо Шарқда марказлашган мусобақалар мезбонларини аниқлаш билан боғлиқ муаммолар пайдо бўлиши мумкин. Минтақадаги деярли барча мамлакатларда саёҳатга чекловлар мавжуд, - деди Алишер Никимбаев.

"Пахтакор" гуруҳ босқичини Эроннинг "Трактор" клубига қарши ўйин билан бошлайди. Иккинчи турда плей-офф ғолиби, кейин эса "Шаржа" рақиблик қилади.

1-тур, 14 апрель
"Пахтакор" - "Трактор"

2-тур, 17 апрель
Плей-офф ғолиби - "Пахтакор"

3-тур, 20 апрель
"Шаржа" - "Пахтакор"

4-тур, 23 апрель
"Пахтакор" - "Шаржа"

5-тур, 26 апрель
"Трактор" - "Пахтакор"

6-тур, 29 апрель
"Пахтакор" - плей-офф ғолиби