"Пахтакор" ва "Навбаҳор" собиқ футболчиси фаолиятини "Дордой"да давом эттиради

"Пахтакор" тарбияланувчиси Тимур Талипов "Дордой" билан шартнома имзолади.

27 ёшли футболчи янги жамоасига эркин агент мақомида бориб қўшилди. Мавсумнинг биринчи қисмини у "Нур-Баткен" клубида ўтказганди. Фаолияти давомида ҳимоячи "Олой", "Каганат", "Навбаҳор", "Обод" ва "Пахтакор" жамоалари шарафини ҳимоя қилган.

Тимурнинг "Дордой" билан имзолаган шартномаси мавсум сўнгига қадар амал қилади. У 91-рақам остида ўйнайди.