"Пахтакор" ярим ҳимоячиси учун водий клублари курашдан чиқди, фаворит - "Насаф"
Жорий йилнинг 31-декабрь санасида "Пахтакор" билан шартномаси якунланадиган ярим ҳимоячи Одил Ҳамробеков Тошкент клубида қоладими, ёки бошқа жамоага ўтадими деган савол кўпчилик учун қизиқ. SPORTS.uz журналисти Яҳёхўжа Улуғхўжаев бу ҳақида ўз телеграм каналида қуйидагича хабар қолдирди.
"Фарғонанинг "Нефтчи" ва Наманганнинг "Навбаҳор" жамоалари Одил Ҳамробеков учун курашдан чиқиб кетди. Сабаби, айни дамда Одил учун "Насаф" энг идеал таклиф билан чиққан. Хозирча, 27 ёшли ярим ҳимоячининг "Пахтакор"да қолиши хақиқатга яқинроқ, аммо у жамоасини ўзгартиришни истаса бу сўзсиз "Насаф" бўлади".
Эслатиб ўтамиз, Ҳамробеков жорий мавсум Суперлигада 22 та ўйинда қатнашиб, битта гол ва битта голли узатмани амалга оширди.
Фикрлар