U-21 биринчилиги 7-турида "Пахтакор" "Жар" стадионида "Сурхон"ни 2:0 ҳисобида мағлубиятга учратди.

Ўйинда жамоалар навбатма-навбат ҳужумлар ташкил қилиб, ташаббусга эга бўлиб туришди. Биринчи бўлимда дарвозалар олдида яққол голга тортадиган вазиятлар унчалик кўп содир бўлгани йўқ. Ҳар икки жамоа ҳимояда бехато ўйнашни уддалади. Иккинчи бўлимда ўйин суръати анча тезлашди. 67-дақиқада меҳмонлар ҳисобни очиш учун қулай имкониятга эга бўлишди. Пенальтидан Аҳмедов тепган тўпни ёш посбонимиз Шукрон Йўлдошев қайтариб қолиб, ғалабага катта ҳисса қўшди. Шундан кейин кетма-кет ҳужумлар уюштирган "Пахтакор" охирги 10 дақиқаликда икки тўп киритди. Дастлаб Алишер Салимовнинг ўнг қанотдан жарима майдонига оширган тўпини Алишер Одилов боши билан дарвозага йўллаб, мавсумдаги 7-голини урди. 87-дақиқада захирадан туширилган футболчилар Дониёр Собиров ва Жавоҳир Жўраев ижросидаги ҳужумдан сўнг Жўраев яккама-якка ҳолатда гол урди - 2:0.

Ушбу ғалабадан кейин 7 баҳсда 14 очко тўплаган "Пахтакор" ёшлари юқори ўринлар учун курашишда давом этмоқда.

Пахтакор

    U21 Ёшлар биринчилиги 7-тур

    01/07/2020 18:00

    2
    :
    0
    Тугади

    Сурхон

        45'
        90'

          Манба: "Пахтакор" ФК матбуот хизмати.

          Матнда хатолик топсангиз, ўша хатони белгилаб, бизга жўнатинг (Ctrl + Enter)