"Пахтакор"га ўтган Азиз Турғунбоев "Навбаҳор" мухлисларига мурожаат қилди (видео)
"Навбаҳор" клуби матбуот хизмати "Пахтакор" сафига кўчиб ўтган Азиз Турғунбоевнинг хайрлашув видеосини эълон қилди.
"Ассалому алайкум, "Навбаҳор" мухлислари! Сизларга ўз миннатдорлигимни билдирмоқчиман ва "Навбаҳор" раҳбариятига раҳмат айтаман. Қўллаб-қувватлаган барча жамоадошларимга ҳам миннатдорлик билдираман.
Клубнинг келгуси фаолиятига омад тилайман. Бу йил ҳам ажойиб таркиб йиғилган ва шу таркиб Осиё майдонларига чиқишига тилакдошман", - деди Турғунбоев.
Илгарироқ, "Пахтакор" Турғунбоев билан икки йиллик шартнома имзоланганлигини эълон қилган эди.
Фикрлар
Навбаҳор учун қилган мехнатларинг ва вақтида томашабинлар билан лиқ тўлган стадионда мухлисларга ўзингни такрорланмас ажойиб ўйинларинг ҳамда бири-биридан чиройли киритган голларинг билан олам-олам қувонч бахш эта олганинг учун.
Келгуси фаолиятингга улкан омадлар ёр бўлсин.