"Пахтакор"нинг ғалабали серияси 21 ўйинга етди

Сўнгги марта Лига Кубоги гуруҳ босқичи доирасида 31 май куни мағлубиятга учраган "Шерлар" шундан кейин барча ўйинларни ғалаба билан тугатишди. 21 баҳснинг 13 таси чемпионат, 8 таси кубок беллашувларига тўғри келди. Ўша учрашувнинг 11 тасида "Пахтакор" йирик ҳисобда ғалаба қозонди, 11 тасида эса Шота Арвеладзе шогирдлари гол ўтказиб юборишмади. Рақиблар дарвозаси эса 69 марта ишғол қилинди. Ушбу ғалабали серия давомида "Пахтакор" чемпионлик ва Ўзбекистон Кубогига эга чиқиб улгурди.

Мавсум мобайнида 40 ўйиннинг 33 тасида муваффақиятга эришилди. 3 бор имконият бой берилган бўлса, 4 баҳсда дуранг натижа қайд этилди. Тошкентликлар рақиб дарвозасига ҳозиргача 105 тўп киритишган.