"Пахтакор"нинг ОЧЛдаги юбилей ғалабалари

Ҳозиргина ОЧЛ-2020 2-туридан ўрин олган "Пахтакор" - "Шаҳр Ходро" учрашуви ўтказилди.

Биринчи таймда "шерлар" жуда қийналишди ва эътиборни тортадиган хавфли вазият ярата олишмади. Танаффусдан сўнг Шота Арвеладзедан кўрсатмалар олиб тушган тошкентликлар Игорь Сергеевнинг дубли ва Шерзод Аъзамовнинг голи эвазига ОЧЛ дебютантини мағлубиятга учратишди.

Шу тариқа, "Пахтакор" ОЧЛ 2-туридан кейин 6 очко жамғариб, йўқотишсиз юришини давом эттирмоқда.

Қолаверса, "Пахтакор" ОЧЛдаги 100-ўйинини ўтказди. Юбилей учрашув ғалаба билан якунланди. Шунингдек, "шерлар" Эрон клубини Тошкентдаги беллашувда яна таслим этиб, ғалабали сериясини 10 тага етказиб олишди.