"Пахтакор"нинг Ўзбекистон чемпионатидаги юбилей голлари муаллифлари

"Пахтакор" жамоаси ҳозирга қадар Ўзбекистон чемпионатида 1867 марта рақиб дарвозасига тўп киритган.

Бу сафар юбилей голлари муаллифлари кимлар бўлганига эътиборингизни қаратамиз. Жамоанинг миллий чемпионатлардаги илк голини Олег Синелобов 1992 йил Косонсойда "Косонсойчи" жамоаси дарвозасига урган. 100-гол эса Шуҳрат Мақсудов ҳисобига ёзилган. Ҳимоячи бўлишига қарамай, Улуғбек Рўзимов икки бор юбилей голлар муаллифига айланган. Зайниддин Тожиев ва Александр Гейнрих ҳам шундай натижага эришган. Гейнрих "Пахтакор"нинг 1000-голини ургани эътиборга молик. 2005 йил Тошкентда "Металлург"га қарши беллашувда у бунга муваффақ бўлган. Ўтган мавсумда Марат Бикмаев "Андижон" билан баҳсда 1800-тўпни киритганди. Жорий мавсумда жамоа 1900-голни урган ҳолда Ўзбекистон чемпионатлари тарихида 2000-тўп сари довонни босиб ўтишга энг яқин турибди, дея хабар берди клуб матбуот хизмати.

Қуйида юбилей голлар муаллифлари билан танишинг.
1 - Олег Синелобов
100 - Шуҳрат Мақсудов
200 - Улуғбек Рўзимов
300 - Улуғбек Рўзимов
400 - Самад Нарзиқулов
500 - Игорь Шквирин
600 - Соли Қурбонов
700 - Леонид Кошелев
800 - Сервер Жепаров
900 - Зайниддин Тожиев
1000 - Александр Гейнрих
1100 - Ихеруоме Уче
1200 - Зайниддин Тожиев
1300 - Александр Гейнрих
1400 - Шерзод Каримов
1500 - Ойбек Қиличев
1600 - Станислав Андреев
1700 - Игорь Сергеев
1800 - Марат Бикмаев