Педри: "Биз 3 очкони қўлга киритишимиз керак эди"

Ла Лиганинг 20-туридан жой олган "Барселона" ва "Хетафе" жамоалари ўртасидаги баҳс 1:1 ҳисобида якунланди. Ўйиндан сўнг каталонияликлар ярим ҳимоячиси Педри беллашув ҳақида ўз фикрларини билдирди.

"Биз ғалаба қозониб, уйга 3 очко билан қайтишимиз керак эди. "Хетафе"га қарши ўйнаш, ҳар доим жуда қийин бўлади. Шу билан бирга, улар жуда яхши ҳимояланишади ҳам. Бундай ҳимояни ёриб ўтиш эса албатта мураккабдир. Чемпион бўлишимиз учун эса қолган барча тўқнашувларда ғалаба қозонишимиз шарт"- деди испаниялик ҳавбек. 

Маълумот учун, Флик шогиртлари 20-та учрашувдан сўнг 39 очко тўплаб, турнир жадвалининг 3-ўринида бормоқда. Пешқадам "Атлетико Мадрид" ҳисобида эса 44 очко мавжуд бўлиб, иккинчи ўриндаги "Реал Мадрид"дан битта кўп ўйин ўтказган. "Қироллик клуби" эса бугун "Лас-Пальмас" қарши майдонга тушади.