Педри: Дуранг учун ўйнасак, мағлуб бўлишимизни биламиз

Педри Чемпионлар лигаси 1/8 финалининг илк учрашувида "Бенфика" устидан қозонилган ғалабадан сўнг (1:0) ўз фикрлари билан ўртоқлашди. 

"Қийин учрашув. Айниқса, қизил карточкадан сўнг осон бўлгани йўқ. Биз тўп билан ҳам, тўпсиз ҳам ажойиб ўйнадик. Буни уддалай олишимизни билардик ва ғалаба қозонишимиз муҳим. 

Олдинда яна бир ўйин бор. Мотивацияни йўқотиб бўлмайди. Қарама-қаршиликда биз олдинда бораётганимизни унутиб, яна бир ғалабага эришишга ҳаракат қилишимиз лозим. Агар дуранг учун ўйнасак, мағлуб бўлишимиз мумкинлигини биламиз. Биз "Барса"миз ва ўз ўйимизда ғалаба қозониш учун ўйнашимиз керак", - деди "кўк-анорранглилар" футболчиси. 

Таъкидлаш керак, Педри кечаги "Бенфика" - "Барселона" ўйинининг энг яхши футболчиси бўлди.