Педри: "Шенсни бизни қутқариб қолди"

"Барселона" Чемпионлар лигаси нимчорак финалининг биринчи баҳсида "Бенфика" меҳмони бўлди ва бир киши кам бўлиб, ғалаба қозонди. Учрашувдаги ягона голни Рафинья урди. Ўйиндан кейин Педри ўз фикрлари билан ўртоқлашди. 

"Бугун майдондаги энг яхши футболчи бу Шенсни эди. Мен "МОТМ" (Man of the match)ни унга бермоқчиман. Мен жамоа билан фахрланаман. Бу қийин ўйин бўлди. Қизил карточкадан кейин нима қилиш кераклигини билдик, яхши ҳимояландик".

Ярим ҳимоячи Кубарси ҳақида ҳам гапирди:

"У қизилдан кейин хафа бўлганини айтди. Биз уни қўллаб-қувватлаймиз. Фаворитмизми? "Барселона" ҳар бир турнирда фаворит, лекин келинг, ақлдан озмайлик. Биз жавоб ўйинига эътибор қаратишимиз керак", - деди испаниялик футболчи. 

Педри жамоага Флик келганидан кейин янада ўсишга эришди. Ярим ҳимоячи бу мавсумнинг таркибдаги энг муҳим аъзоларидан биридир. "Бенфика"га қарши учрашувда у энг кўп аниқ пас берган футболчига айланиб, энг яхши ўйинчи совринини қўлга киритди, лекин бу мукофот ўзи айтиб ўтганидек, Шенснига топширилди.