Pepe: “Men portugaliyaliklarning umidlarini oqlamadim”

"Real Madrid", "Portu" va Portugaliya terma jamoasining sobiq himoyachisi kecha faoliyatini yakunlaganini e’lon qildi. Ijtimoiy tarmoqlarda joylashtirilgan videoda u so‘nggi Evropa chempionatidagi his-tuyg‘ulari bilan o‘rtoqlashdi.

“Bu ojizlikning ko‘z yoshlari edi, chunki men bu Evropa chempionatida g‘alaba qozonishimizga ishonardim.

Katta yoshli futbolchi sifatida jamoadoshlarim qanday ishtiyoq bilan o‘ynashini his qilardim. Bu kuchsizlikning ko‘z yoshlari edi, chunki men portugaliyaliklarning umidlarini oqlamadim. Bizdan umidlari katta edi...

Shu payt o‘zimni nochor his qildim. Lekin jamoamizga ishongan barcha portugaliyaliklarga rahmat aytaman. Biz futbolchilar, bizda ajoyib kayfiyatga ega ajoyib jamoa borligini aytdik. Evropa chempionatida g‘alaba qozonish uchun barcha sharoitlar yaratilgan.

Portugaliyaliklarga bu quvonch keltirmaganim uchun yig‘lab yubordim”, - dedi Pepe.

Portugaliya terma jamoasi chorak finalda Frantsiyadan mag‘lub bo‘lgan edi (0:0, penaltilar seriyasi 3:5).