Пирло етти футболчидан воз кечди. Улар орасида юлдузлар бор

“Ювентус”нинг янги бош мураббийи Андреа Пирло жамоани ўзига мослаштиришни бошламоқда. Ёш мураббий жамоага керак бўлмаган етти нафар футболчи сотиб юборилишини маълум қилди.

Пирло биринчи бўлиб юлдузли даврлари ортда қолган Гонсало Игуаин ва  ярим ҳимоячи Дуглас Костадан қутилмоқчи. Бразилиялик футболчига айни пайтда Жейдон Санчони қўлга кирита олмаган “Манчестер Юнайтед” жиддий қизиқиш билдирмоқда.

“Ювентус” икки тажрибали таянч ярим ҳимоячи Блюз Матюиди ва Сами Хедирани ҳам трансферга қўйди ва улар келаси ҳафтадаёқ Турин клубини тарк этади.

Шунингдек, ҳимоя қўрғони вакиллари Маттиа де Шильо, Алекс Сандро ва Даниэле Ругани ҳам Пирлога керак эмас. Улар орасида Сандро “Челси”,  “Тоттенхэм” ва “Манчестер Юнайтед”ни қизиқтирмоқда ва бошқалардан тезроқ янги иш жойи топиш имконига эга.