Пирло: "Ювентус"га зудлик билан ҳужумчи керак

“Ювентус” бош мураббийи Андреа Пирло бугун бўлиб ўтган “Новара”га (5:0) қарши ўйиндан сўнг жамоага зудлик билан ҳужумчи кераклигини айтди.

“Менга ҳужумчи керак, зудлик билан. Лекин трансфер ойнаси ёпилишига ҳали анча муддат бор, октябрь бошигача бизда бу борада ишлаш учун вақт етарли.

Роналду яхши формада. У буни бугун ва Португалия терма жамоасидаги ўйинида кўрсатди. У майдонда осон ҳаракат қилади”, - деди Пирло.

"Ювентус" А Сериянинг илк турини 20 сентябрь куни "Сампдорияга қарши ўтказади.