Pirloning o‘rniga endi kim murabbiy bo‘ladi?

“Yuventus”ning U23 jamoasi bosh murabbiyi Andrea Pirlo bosh jamoaga o‘tib ketgach, rahbariyat uning o‘rniga murabbiy qidirishni boshlab yubordi.

Jurnalist Nikolo Skira o‘zining tvitterdagi sahifasida ma’lum qilishicha, “keksa sinora”ning yoshlar jamoasini boshqarishga Andrea Bardzali asosiy nomzod sifatida qaralmoqda. Aytish kerakki, 39 yoshli sobiq himoyachi o‘tgan mavsum Mauritsio Sarrining murabbiylar shtabida faoliyat olib borgan edi.

Bundan tashqari, ushbu lavozimga “Yuve”ning boshqa bir sobiq futbolchisi – Fabio Grosso nomzodi ham ko‘rib chiqilmoqda. U 2014-2017 yillarda turinliklarning U20 jamoasini boshqargan. Uning so‘nggi ish joyi esa “Breshiya” klubi bo‘lgan edi.