Питер Хюистра: Ғалабага ҳақли эдик

Осиё Чемпионлар Лигаси 2-туридан ўрин олган "Эйр Форс" - "Пахтакор" учрашувида томонлар 0:0 ҳисобидаги дурангга имзо чекди. Ўйиндан кейин ташкил этилган матбуот анжуманида "шерлар" бош мураббийи Питер Хюистра ўз фикрларини билдириб ўтди:

"Хайрли кеч. Менимча, ўйинда ғалабага ҳақли эдик. Биринчи бўлимда имкониятлар юзага келтирдик. Иккинчи бўлимни яхши бошламадик, лекин алмаштиришлардан кейин яна ташаббусга эришдик. Бироқ гол ура олмадик. Биринчи беллашувга нисбатан бугун фаолроқ ўйнадик.

Охирги мўлжални нишонга олишда адашдик. Ўйин бошиданоқ вазиятлар юзага келтирдик. Рақибда эса дарвозага хавфли зарба деярли бўлмади. Биз ҳужумкор футбол кўрсатишга интиламиз. Ҳужум уюштириш ва ўйин назоратида яхшироқ бўлдик. Энди кейинги баҳсда ғалаба қозонишга ҳаракат қиламиз".