Почеттино Месси туфайли ПСЖдан ҳайдалиши мумкин

“Пари Сен-Жермен” бош м ураббийи Маурисио Почеттино тез орада жамоани тарк этиши кутилмоқда, деб хабар тарқатди Mundo Deportivo нашри.

Манбанинг ёзишича, клубга эгалик қилувчи қатарлик Нассер Ал-Хелаифий бошқарувидаги раҳбарият аргентиналик мутахассиснинг ишидан норози бўлмоқда.

Клуб раҳбариятини жамоанинг бўш ўйини, Лионель Мессининг самара бермаётгани ва Почеттино ўйинни бошқара олмаётгани ва футболчиларга таъсирини ўтказолмаслиги безовта қилмоқда.

Аввалроқ,  Лионель Месси тарафдори бўлган ўйинчилар бош мураббий йўллаётган тактикаларга эътироф билдираётгани ҳақида ҳам маълумотлар чиққан эди.

Лионель Месси Франция чемпионатида тўққизта учрашувда битта гол урди холос. Парижликлар жамоани Зинедин Зидан бошқаришини истаяпти.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию