Почеттино: Месси — энг зўри. Кейин эса...

ПСЖнинг собиқ бош мураббийи Маурисио Почеттинонинг фикрича, Лионель Месси айни дамда дунёнинг энг яхши футболчиси бўлиб қолмоқда.

“Месси — дунёнинг энг яхши футболчиси. Бунга ҳеч қандай шубҳа йўқ. Шундан сўнг Мбаппе бу номга асосий номзод бўлиб турибди. Неймарни ҳам эсдан чиқармаслик. Боиси, у ҳам дунёнинг энг яхши ўйинчиларидан бири”, - дея Почеттинонинг сўзларини келтиради “PSG Talk” нашри.

35 ёшли футболчининг парижликлар билан амалдаги шартномаси 2023 йилнинг ёзида якунига етади. Месси ўтган мавсумда ПСЖнинг барча мусобақалар доирасидаги 34 та ўйинда майдонга тушиб, ўз ҳисобига 11 гол ва 14 голли узатмани ёздириб қўйган.