Pochettino Neymar va Mbappe o‘rtasidagi kelishmovchilikka o‘z munosabatini bildirdi

PSJ klubi bosh murabbiyi Maurisio Pochettino ikki yulduz shogirdi orasida bo‘layotgan kelishvovchilikka to‘xtalib o‘tdi.

"Bu kabi holatlar futbolchilar o‘rtasida bo‘lib turadi. Mbappe va Neymar bilan bog‘liq vaziyat atrofda katta shov-shuvlarga sabab bo‘ldi, biroq bu ikki futbolchi bilan hammasi yaxshi.

Ular bir-birlari bilan gaplashmoqda. Men mashg‘ulotlarda ulardan bu haqda so‘raganimda, kulib qo‘yishdi", - dedi argentinalik mutaxassis.

Eslatib o‘tamiz, PSJ - "Monpele" bahsida 22 yoshli futbolchi zaxiraga olinganidan so‘ng Geye bilan o‘zaro suhbatda Neymarni tanqid qilgani haqida "RMC Sport" nashri jurnalisti xabar bergan edi.