Почеттинонинг ПСЖдаги келажаги ҳал

ПСЖ бош мураббийи Маурисио Почеттино жамоада қолади. Бу ҳақида мураббийнинг ўзи ПСЖ ТВга берган интервьюсида маълум қилди: 

"Мен футболчиларнинг ўзгаришларга мослашиб кетганларидан хурсандман. Вақт етишмовчилиги оқибатида амалга оширолмаган нарсаларимиз бўлди. Аммо ишонаманки, шу процессда ривожланишни давом эттирадиган бўлсак, албатта натижага эришамиз ва келажакда бизни улкан ғалабалар кутяпти. 

Биз ушбу лойиҳани январда бошлаганимизни унутмаган ҳолда, ўз натижаларимиз билан фахрланишимиз керак. Ўзингнинг энг яхши формангда бўлмай туриб, Чемпионлар Лигаси ярим финалига етиб келишинг ҳам ажойиб натижа. Биз охиригача курашдик", - дейди аргентиналик мутахассис. 

Аввалроқ, унинг "Тоттенхэм" билан боғлангани, "Реал"нинг нишонида эканлиги айтилганди. Париж клуби ҳам миллий биринчиликдаги муваффақиятсизликдан сўнг, уни ишдан олиши хабар қилинган эди.