Pogbaga kutilmagan jamoadan taklif bo‘lmoqda

"Manchester Yunayted" yarim himoyachisi Pol Pogba faoliyatini "Inter"da davom ettirishi mumkin.

Tuttosport nashri tarqatgan xabarga ko‘ra, “neradzurrilar” 26 yoshli frantsuzning transferi bo‘yicha uning agenti Mino Rayola bilan aloqaga chiqishgan. Pogbaning o‘zi ham “qizil iblislar” safidan ketmoqchi va Antonio Konte qo‘l ostida to‘p surishga tayyor. Unga esa shuningdek “Real” va “Yuventus”dan ham qiziqishlar bor.

Pol Pogba joriy mavsum MYu safida bor yo‘g‘i 8 ta o‘yinda ishtirok etdi va 2 ta golli uzatmaga mualliflik qilishga erishdi. Uning klub bilan amaldagi shartnomasi esa 2021 yilga qadar imzolangan.