"Порту" рус клубидан ҳужумчи сотиб олди

Москванинг "Спартак" клуби форварди Зе Луиш фаолиятини "Порту"да давом эттирадиган бўлди.

Португалия гранди 28 ёшли футболчини рус клубидан 8,5 млн еврога сотиб олди. Бу ҳақда клуб расмий сайти хабар тарқатмоқда. Унинг ўзи эса янги жамоаси билан 2023 йилга қадар шартнома имзолади.

Маълумот учун, Зе Луиш “Спартак” сафида 2015 йилдан буён тўп суриб келаётган эди. У ушбу давр мобайнида жами 109та ўйинда майдонга тушди ва рақиблари дарвозасига 35та гол уришга эришди. У бунгача "Жил Висенте" ва "Брага" клубларида ўйнаган.