Португалия Роналдусиз ҳам гол уришда давом этди

Португалия терма жамоаси Криштиану Роналдусиз ўтган баҳсда ҳам юқори самарадорликни намойиш этди.

Бугунги ўйинда португаллар Арманистонни 9:1 ҳисобида таслим этди ва Ирландия, Венгрия ҳамда Арманистон жамоалари жамланган гуруҳда биринчи ўринни эгаллаб, ЖЧ–2026 йўлланмасига эга чиқди. Роналду ушбу учрашувни дисквалификация туфайли ўтказиб юборди.

Қизиғи шундаки, Криштиану иштирок этган саралашнинг олдинги беш ўйинида Португалия жами 11 та гол урган бўлса, уларнинг 5 таси Роналду ҳисобига тўғри келган. Бугунги ўйинда эса терма жамоа юлдуз футболчисиз 9 та гол урди.