Португалиялик дарвозабон

Португалиялик дарвозабон Жоэль Перейра жорий мавсум якунлангач, “Манчестер Юнайтед”дан кетади. Бу ҳақда италиялик журналист Николо Скира ўзининг твиттер саҳифасида маълум қилди.

Юқоридаги инсайдернинг ёзишича, манкунианлар раҳбарияти 24 ёшли посбон билан амалдаги келишувни узайтирмасликка қарор қилган. Томонлар ўртасидаги шартнома шу ёз ўз ниҳоясига етади.

Перейра 2015 йилдан буён “Манчестер Юнайтед” футболчиси ҳисобланади. Аммо у ўтган давр мобайнида асосий жамоада фақатгина 1 та ўйинда майдонга тушган холос. Жоэль асосан ижарада тўп сурган.

Перрейра жорий мавсумни “Хаддерсфилд” сафида ижарада ўтказмоқда. У Чемпионшипда бор йўғи 1 та ўйинда майдонга тушди.

Матнда хатолик топсангиз, ўша хатони белгилаб, бизга жўнатинг (Ctrl + Enter)