Постекоглу: "Ўйинда тўлиқ устунлик қилдик, аммо бу яна бир кечириб бўлмас мағлубият бўлди"

"Тоттенхэм" бош мураббийи Постекоглу АПЛнинг 33-туридан ўрин олган "Ноттингем Форест"га қарши ўйиндан (1:2) сўнг ўз фикрларини билдирди. Мазкур мағлубият билан жамоа АПЛдаги мағлубиятлар сонини 18 тага етказиб, 2003/04 йилги мавсумдан бери биринчи марта бундай натижа қайд этди.

– Бу яна бир ўйин бўлдики, унда ютқаздик, гарчи бу шунчалик ҳам бўлиши шарт эмас эди.

Мавсум давомида муҳим паллаларда ўзимизга муаммолар яратиб келяпмиз – бу эса диққатнинг етишмаслиги билан боғлиқ. Биз жуда осон голлар ўтказиб юбормоқдамиз.

Бу аламли, чунки жамоам ажойиб футбол намойиш этди. Биз майдонда тўлиқ устунлик қилдик. Лекин бу яна бир кечириб бўлмас мағлубият.

Мен мухлисларга ҳеч нарса демоқчи эмасман. Жуда кўп мағлубиятлар. Улар биздан мамнун эмаслигини тушунаман.

Лекин мен ҳам мамнун эмасман, футболчилар ҳам. Биз ўз стандартларимизни оқламаганимиз учун жавобгарликни ўз зиммамизга олишимиз керак, – деди "шпорлар" мутахассиси.