Премьер-лига. Бомбардирлар баҳсида Шомуродовнинг рақиби кимлар?

Россия премьер-лигасида 8 августдан янги мавсум бошланади. Бу гал чемпионлик ва Европа майдонларидаги нуфузли мусобақалар йўлланмалари учун кураш жиддий ва муросасиз кечиши кутилмоқда.

Хусусан, Ўзбекистон миллий терма жамоаси футболчилари – Элдор Шомуродов, Жасур Жалолиддинов ва Остон Ўрунов ўйнайдиган “Ростов”, “Локомотив” ва “Спартак” ҳам янги чемпионатда фақат юқори ўринлар учун курашади.

Россиялик футбол мутахассислари янги мавсумда тўпурарлар баҳси ҳам қизғин кечишини таъкидламоқда. Уларнинг фикрича, “Спартак” ҳужумчилари Александр Кокорин ва Александр Соболев, “Зенит” етакчилари Артём  Дзюба ва Сардор Азмун, “Ростов” легионери Элдор Шомуродов, ЦСКА форварди Фёдор Чалов, “Арсенал” тўпурари Евгений Луценко ва “Краснодар” футболчиси Маркус Берг бошқалардан кўп гол уриши кутилмоқда.