Премьер-лиганинг олти футболчиси тиз чўкишдан бош тортди

Премьер-лиганинг бешта клубида тўп сураётган олти нафар футболчи ирқчиликка қарши кампания доирасида тиз чўкишдан бош тортди.

Ўтган дам олиш кунлари Премьер-лигада «Ирқчиликка жой йўқ» (No Room for Racism) кампанияси ўтказилди. Унга кўра, футболчилар учрашув бошланишидан олдин тиз чўкиб, ирқчилик ва камситишнинг барча кўринишларига қарши эканликларини намойиш этишди.

Бироқ айрим футболчилар ушбу акцияда иштирок этмади. Улар қаторида «Борнмут» футболчилари Тайлер Адамс ва Райан, «Лидс» вакили Доминик Калверт-Льюин, «Ипсвич» футболчиси Исса Диоп, «Эвертон»дан Эйнсли Мейтленд-Найлс ҳамда «Манчестер Сити» ҳимоячиси Марк Гехи бор.

Гехи бу қарорини қуйидагича изоҳлади:

«Мен анчадан бери тиз чўкмайман. Бу ҳаракат нимани англатишини кўрсатиш учун ҳар доим қарсак чаламан.

Бироқ менимча, бу фақат футболга тегишли муаммо эмас. Бу кенгроқ ижтимоий масала. Футбол эса ушбу хабарни одамларга етказишга ёрдам берадиган умид нуридир.

Бу кампаниянинг ғояси ҳали ҳам ўз аҳамиятини йўқотмагани жуда яхши. Аммо яна кўп иш қилиш мумкин. Менимча, келажакда ушбу кампанияни қандай давом эттириш кераклигини қайта кўриб чиқишимиз лозим».

BBC Марк Гехининг сўзларини келтирди.