ПСЖ "Барселона" футболчисини нишонга олди

"Барселона" футболчиси Педро Фернандес фаолиятини ПСЖда давом эттириши мумкин.

Таниқли инсайдер Фабрицио Романо берган хабарларга кўра, Париж клуби "Барселона"нинг ёш юлдузининг ўйинларига қизиқиб қолган. Аввалроқ, Испания ОАВлари 18 ёшли футболчи жамоадошларига тез орада ПСЖга кўчиб ўтишини айтгани ҳақида миш-мишлар пайдо бўлган эди. Романонинг таъкидлашича французлар ростдан ҳам истиқболли футболчига аллақачон таклиф билан чиққан. Томонлар ўртасида музокаралар давом этмоқда. ПСЖ футболчи учун 6 миллион евродан воз кечишга тайёр эканини маълум қилган. Унинг шартномасида айнан шундай товон пули белгиланган. 

Маълумот учун, хавбек жорий мавсумда умумий 8та учрашувда майдонга тушиб, битта голли узатмани амалга оширган.