ПСЖ бош мураббийи билан шартнома имзолашда муаммога дуч келди
ПСЖ бош мураббийи Кристоф Галтье клуб билан шартномани расмийлаштиришда қийинчиликларга дуч келди. Франция футбол федерацияси унинг парижликлар билан битимини тасдиқламади, деб хабар беради “L'Equipe”.
Бунга мураббийлик лицензиясининг муддати ўтгани сабаб бўлган. “RMC Sport” нашри хабарига кўра, 55 ёшли мутахассис аллақачон Федерация билан боғланиб, вазиятни тўғирлаш муддатини маълум қилган. Қайд этилишича, бу унинг жамоани захира ўриндиғидан бошқаришига тўсқинлик қилмайди.
Маълумот ўрнида, Галтье шу ёзда Маурисио Почеттино ўрнига ПСЖ бошқарувига келган эди.
Фикрлар