ПСЖ Бразилия терма жамоаси ўйинчисидан воз кечди

«Борнмут» клуби таркибида тўп суриб келаётган ёш вингер Райаннинг жорий трансфер ойнасида «Пари Сен-Жермен» сафига ўтиши деярли истисно этилмоқда.

Аввалроқ 19 ёшли бразилиялик футболчига даъвогар клублар орасида айнан парижликлар тилга олинган эди. Бироқ бу маълумот расман тасдиқланмади. 

Журналист Бенжамен Куаре хабар беришича, Франциянинг етакчи жамоаларидан бири бўлган «Пари Сен-Жермен» Райан билан шартнома имзолашни режалаштирмаяпти. Клуб раҳбарияти футболчига нисбатан қандайдир қизиқиш борлигини рад этган.

Райан яқинда ўтган жаҳон чемпионатида Бразилия терма жамоаси сафида тўртта ўйинда майдонга тушиб, бир голли узатма муаллифига айланди. Transfermarkt портали ёш бразилиялик, «вишнялар»нинг асосий умидларидан бири бўлган бу футболчининг трансфер қийматини 60 миллион евро атрофида баҳоламоқда.