ПСЖ ҳужумчисида коронавирус аниқланди ва у "Барса"га қарши ўйинни ўтказиб юборади

ПСЖ ҳужумичис Мойзе Киннинг коронавирусга қарши топширган тест натижалари мусбат чиқди.

Клуб расмий сайтининг хабар беришича, тест натижалари тонгда маълум бўлган ва шу сабабли у бугун чемпионат доирасида бўлиб ўтадиган "Бордо"га қарши ўйинга бормаган. Италиялик футболчи қоидага кўра ўз-ўзини яккалаш йўлига ўтган.

Энди Кин 6 март куни “Брест”га қарши бўладиган Франция кубоги ҳамда 10 март куни ЕЧЛ 1/8 финал жавоб баҳсидан ўрин олган “Барселона”га қарши ўйинни ўтказиб юборади.

21 ёшли Мойзе Кин жорий мавсум ПСЖ сафида 19 та ўйинда иштирок этди ва 11 та гол уришга эришди.