ПСЖ икки етакчиси билан шартнома имзолаши мумкин

ПСЖ спорт директори Луиш Кампуш клуб испаниялик ҳимоячи Серхио Рамос билан шартномани узайтириши мумкинлигини айтди.

"Мен Серхио Рамоснинг ўйинидан мамнунман, агар у худди шу руҳда ўйнашда давом этса... нега бундай бўлмасин? У ҳам, Лео Месси ҳам мавсумни яхши ўтказмоқда. Агар икки футболчи билан ҳам шартномани узайтиришни уддаласак, яхши бўларди", - дея Кампушнинг сўзларини келтиради Фабрицо Романо.

Рамос ва парижликлар ўртасидаги амалдаги келишув 2023 йилнинг 30 июнига қадар амал қилади.