ПСЖ Каванининг трансфери бўйича "Челси"га ҳам рад жавобини берди

Лондоннинг “Челси”  клуби ПСЖ форварди Эдинсон Каванини ўз сафига қўшиб олишни режалаштирмоқда.

The Times нашри тарқатган хабарга кўра “аристократлар” 32 ёшли футболчини мавсум якунига қадар ижарага олиб бўйича парижликларга таклиф билан мурожаат қилишган. Аммо, Франция чемпиони ушбу таклифни рад этган ва Каванини 23 млн фунт эвазига тўлиқ сотиб юбориши мумкинилиги маълум қилган.

Айтиш керакки, “Челси” Каванини ижарага олиш билан бирга унинг ҳафтасига 360 минг фунтлик маошини тўлашга ҳам тайёрлигини билдирган.

Эслатиб ўтамиз, бундан аввалроқ “Атлетико” ҳам Каванини сотиб олишга уруниб кўрган эди. Бироқ, ПСЖ унинг таклифини ҳам рад этди.