"ПСЖ" мавсумдаги илк тарсакисини қабул қилди

Кеча Лига 1нинг 17-туридан ўрин олган баҳсда "ПСЖ" "Ланс"га имкониятни бой бериб қўйди. Бу парижликларнинг жорий мавсумдаги илк мағлубияти эди. Қолаверса, Лига 1 доирасида Кристоф Галтье бош мураббийлигидаги биринчи ютқазиқ сифатида тарихга кирди.

Бунгача Галтье қўл остидаги "ПСЖ" барча мусобақаларда 19 ғалаба ва 4 дуранг қайд этган.

Парижликларнинг навбатдаги ўйини Франция кубоги доирасида сафарда "Шатору"га қарши бўлиб ўтади. Баҳс 6 январь кунига белгиланган.