ПСЖ Мбаппе ўрнига бошқа машҳур юлдузни оладиган бўлди

ПСЖ раҳбарияти Лионель Мессидан кейин Килиан Мбаппенинг ҳам кетишига тайёргарлик кўрмоқда.

Бундан ташқари, парижликлар режасида учинчи ҳужумчи – Неймарни ҳам қўйиб юбориш масаласи турибди.

Таниқли нашр – Marca журналистларининг аниқлашича, парижликлар Мбаппе ўрнига Франция терма жамоасининг бошқа ҳужумчиси – Антуан Гризманни олиб келмоқчи.

Ҳозир Гризман “Атлетико” футболчиси ҳисобланади. Мадридликлар уни яқинда “барселона”дан 20 миллион еврога қайта сотиб олди.

Манбаларда ёзилишича, ПСЖ 32 ёшли тўпурар учун 100 миллион евро тикишга тайёр. Мутахассислар бу сумма “Атлетико” хўжайинларини трансферга рози бўлиши учун етарли ҳисобланади.