PSJ Mbappe o‘rniga boshqa mashhur yulduzni oladigan bo‘ldi

PSJ rahbariyati Lionel Messidan keyin Kilian Mbappening ham ketishiga tayyorgarlik ko‘rmoqda.

Bundan tashqari, parijliklar rejasida uchinchi hujumchi – Neymarni ham qo‘yib yuborish masalasi turibdi.

Taniqli nashr – Marca jurnalistlarining aniqlashicha, parijliklar Mbappe o‘rniga Frantsiya terma jamoasining boshqa hujumchisi – Antuan Grizmanni olib kelmoqchi.

Hozir Grizman “Atletiko” futbolchisi hisoblanadi. Madridliklar uni yaqinda “barselona”dan 20 million evroga qayta sotib oldi.

Manbalarda yozilishicha, PSJ 32 yoshli to‘purar uchun 100 million evro tikishga tayyor. Mutaxassislar bu summa “Atletiko” xo‘jayinlarini transferga rozi bo‘lishi uchun etarli hisoblanadi.