"UFC 324" турнири учун ўзига хос прогнозлар!

25 январь тонгида UFC янги йилнинг илк рақамли турнирини ўтказади. "Файт-кард" ажойиб кўриниш олган. Марказий жангда енгил вазн тоифасининг ТОП жангчилари Жастин Гэтжи ва Пэдди Пимблет октагонга кўтарилади. Шунингдек, Сонг Ядонг ва Шон О'Мэлли қарама-қаршилиги ҳам қизиқарли кечиши аниқ. Умуман олганда прелим карддан ҳам қизиқ ўтиши кутилаётган жанглар ўрин олган. 

Хуллас биз бугун ушбу турнирда қайд этилиши мумкин бўлган натижалар борасида қисқача тахминий фикрларимизни билдириб ўтамиз. 

Рики Турсиос - Кэмэрон Смозерман
- Умуман олганда бу жангда ҳар иккисининг имкониятини тенг баҳолаган бўлардик. Бироқ Камероннинг зарбаси рақибига нисбатан кучлирок эканлигини инобатга олган ҳолда, бироз устунликни унга берган бўлардик. Имкониятлар 55/45.% 

Жош Хокит  - Дензел Фриман
- Бир-бирига мос ва хос рақиблар. Хокит фаолиятида ҳали мағлуб бўлмаган 7-0 рекордга эга. Фриманда эса кўрсаткич 7-1. Бир мағлубият бор. Балки ғолиблик руҳи Хокитга ёрдам берар. Умумий олиб қараганда имкониятлар тенг. Бироқ юиз кичик устунликни Хокитга берган бўлардик. 55/45%

Майкл Жонсон - Александр Эрнандес
- Жонсон UFCнинг фахрий ва ўз вақтидаги ТОП жангчиларидан бири. У енгил вазн (70,3 кг) нинг ўз вақтидаги деяпли барча етакчилари билан жанг қилиб улгурган. Ҳар иккиси 3 та ғалабали серияга эга. Тўғри, Жонсон тажрибали лекин у 39 ёшда ва бу ўз таъсирини ўтказмай қолмайди. Эрнандес ҳам кўплаб жиддий рақибларга қарши жанг қилди. Аммо кўзга кўринган барча рақибларидан мағлуб бўлган. Биргина Бенеил Дариушни нокаут қилишга эришганди. У 33 ёшда ва бу сафар унинг имконияти юқорироқ деб ўйлаймиз. Имкониятлар 60/40 %.

Адам Фугитт - Тай Миллер

- Бу жангда ёш Миллернинг имконияти анчагина юқори. У Дана Уайт контендер Сериесдаги ғалабаси орқали UFCга йшл олди ва дебютини ўтказади. Фугитт 37 ёшда ва у қадар барқарор жангчи эмас. Миллер эса 25 ёшда ва 6 ғалабали серияга эга. Менимча фахрий Фуггит ғалабага чанқоқ Миллерга дош бера олмаса керак. Яна ким билади, дейсиз? Имкониятлар 70/30%

Алекс Перес - Чарльз Жонсон 
- Жуда ҳам қизиқарли жанг. Перес сўнги иккита жангида аламли мағлубиятга учради. Бу унинг учун ҳаёт-мамот жанги десак муболаға бўлмайди. Жонсон бизга таниш Рамазон Темиров уни мағлуб эта олганди. Бу сафар Перес бор имкониятини ишга солади ва кураш борасида ҳам Пересда имконият юқорироқ. Имкониятларни 55/45 деган бўлардик. Перес фойдасига.

Никита Крилов - Модестас Букаускас 
- Бу жанг муддатидан аввал якунланса керак. Крилов кетма-кет икки мағлубиятни қабул қилиб олди. Айниқса сўнги жангида ҳамюртимиз Богдан Гуськовдан кучли зарба қабул қилиб, имкониятни бой берган. Бироз зарба кўтариш борасида муаммолари бор. Букаускас эса 4 ғалабали серияга эга. Ҳозирда Букаускаснинг жисмоний ҳолати ажойиб кўриниш олган ва катта эҳтимол билан у ғалаба қозонса керак. Имкониятлар 60/40%.

Атеба Готье - Андрей Пуляев 

Икки "панчер"лар жанги! Бу баҳс ҳам муддатидан аввал ўз якунига етса керак. Готье 9 та ғалабасининг 8 тасини нокаут билан якунлаган. Ҳақиқий "жаллод" Пуляев ҳам 10 та ғалабасини 6 тасини шу тарзда қўлга киритган. Готье 8 та ғалабали серияга эга ва бу жангда ҳам унинг имконияти юқорироқ. Лекин Пуляев ҳам бўш келмаслиги аниқ. Имкониятлар 60/40 Готье фойдасига. 

Умар Нурмагомедов - Дейвесон Фигередо 

- Ҳа бразилиялик Фигередо ўз вақтида супер енгил вазн чемпиони эди. Бироқ у вазнини бир поғона кўтарганидан сўнг, мағлубиятлар гирдобига тушиб қолди. Яхши жангчи, аммо бу қарама-қаршиликда унинг имконияти жуда паст. Нурмагомедов бу жангда катта устунлик билан ғалаба қозонса керак. Имкониятлар 70/30. 

Арнольд Аллен - Жан Сильва 

Бу жангда кўпчилик хорижий сайтлар Жан Силванинг имкониятини юқори баҳолашмоқда. Ҳа, у жуда кучли зарба соҳиби саналади. Аммо, Аллен ҳам шунчаки "совға" эмас. Арьнолдни Мовсар, Холлоуэй каби ақилли жангчилар мағлуб этмаса, фақат кучли зарбага таянадиган жангчилар учун ҳақиқий бош оғриқ бўлади. Гарчи Алленнинг имконияти паст баҳолаётган бўлса-да, биз бу жангда Алленни ғалаба қозонишига ишонаётгандекмиз. 55/45 Аллен!

Наталья Силва - Роуз Намаюнас 

- Ҳа, Намаюнас ажойиб жангчи. Бироқ унинг энг яхши даври ортда қолган деб айтсам янглишмаган бўламиз. Ҳозир Силванинг даври ва бу жангда у ғалаба қозониш эҳтимоли юқори. 60/40 Силва!

Уолдо Кортес Акосто - Деррик Льюис. 
- "Титан"лар жангида Акосто яққол устунликка эга. Льюиснинг ҳам "прайм-тайм" и ортда қолган. У 40 ёшда ва менимча Акоста учун осон "ўлжа" бўлади. Жанг муддатидан аввал Акостанинг ғалабаси билан якунланса керак. Имкониятлар 70/30!

ШонО'Мэлли - Сонг Ядонг 

-  Қизиқарли тўқнашув. Менмча Турнирнинг энг қизиқарли қарама-қаршилигидан бири бўлса керак. Ядонг курашга қаттиқ эътибор қаратяпти. Агар унинг кураши ўхшаса, жангни ўз фойдасига ҳал қилиши мумкин. Бироқ Шон бу тоифадаги жангчиларга қарши ҳам муваффақиятли ҳаракат қила олган. "Тэйк-даун"лардан яхши ҳимояланади. Худлоса қилиб айтганда бу жангда Шоннинг имконияти юқори 60/40!

Жастин Гэтжи - Педди Пимблет 
-  Ҳа, Гэтжи ҳақиқий легенда! Ажойиб ва мухлисларбоп жанг қилади. "Стойка"да беназир, кураши ҳам ёмон эмас. Лекин бу жангда унинг имкониятини бироз пастроқ назаримизда. Пимблетт ноодатий ҳаракатлари билан унга муаммо туғдирса керак. Қолаверса британ жангчисининг жиу-житсуси ҳам ажойиб кўриниш олган. Имкониятларни 60/40 дея баҳолаган бўлардик. Пимблет фойдасига. 

Албатта, бу бизнинг шунчаки шахсий фикр ва тахминларимиз холос. Аслида ким ғалаба қозонишини тез орада билиб оламиз!