ПСЖ "Нант"ни йирик ҳисобда мағлуб этиб, Франция Суперкубоги ғолибига айланди

Франция Суперкубогидан ўрин олган ПСЖ - "Нант" учрашуви якунига етди. Унда парижликлар йирик 4:0 ҳисобида рақибдан устун келди. 

Дастлаб, 22-дақиқада Месси ҳисобни очди. Биринчи бўлимга қўшиб берилган дақиқаларнинг бешинчисида Неймар фарқни иккитага етказди. 57-дақиқа ўтиб бораётган бир пайтда Рамос ҳисобни йирик кўринишга келтириб қўйди. 82-дақиқада Неймар пенальтидан унумли фойдаланди. 

Шу тариқа, ПСЖ Франция Суперкубоги ғолибига айланди.