ПСЖ Неймарнинг ўрнига кимни ўйнатишни белгилади

“Манчестер Сити” ҳужумкор футболчиси Бернарду Силва учун курашаётган жамоалар қаторига ПСЖ ҳам қўшилди.

Бироқ, парижликлар португалиялик футболчини олиш учун жой бўшатиши керак бўлади. Шу боис, улар бразилиялик ҳужумчи Неймарни бошқа жамоага трансфер қилгандагина Бернарду Силвани олиб келиши мумкинлигини маълум қилди.

Неймар жаҳон чемпионати олдидан жамоасини алиштиришдан бош тортмоқда. Қолаверса, бразилиялик юлдузнинг парижликлар билан шартномаси яна уч йил давом этади ва у ҳар мавсум учун 50 миллион евродан маош олмоқда.

2017 йилдан бери “Манчестер Сити”да тўп тепаётган Бернарду Силвага асосий даъвогар сифатида “Барселона” тилга олинмоқда.