PSJ o‘z yulduzlarini 5-divizionga jo‘natadi

PSJ bosh murabbiyi Kristof Galte o‘ziga kerak bo‘lmagan o‘yinchilardan qutilishning antiqa usulini topdi.

Gap shundaki, Parij klubida mo‘may maosh olayotgan futbolchilar boshqa klublarga o‘tishga ko‘nmayapti. Shu bois, klub rahbariyati bosh murabbiy o‘z redasiga kiritmagan o‘yinchilarni beshinchi divizionda qatnashayotgan zaxira jamoasiga jo‘natmoqchi.

Qizig‘i shundaki, quyi divizionga jo‘natilishi kutilayotgan o‘yinchilar orasida Ander Errera, Rafinya Alkantara va Yulian Draksler, Leven Kurzava va Mauro Ikardi kabi mashg‘ur o‘yinchilar bor.

Shuningdek, Tilo Kerer, Idriss Guye va Erik Ebimbe kabi yana bir necha o‘yinchi klubdan ketishdan bosh tortsa, klub rahbariyati ularni ham quyi divizionga jo‘natadi.