PSJ "Real"ning yosh himoyachisiga qiziqmoqda

Madridning "Real" klubi markaziy himoyachisi Xoan Martines faoliyatini Fransiyada davom ettirishi mumkin.

Maʼlumotlarga koʻra, parijliklar strategik maslahatchisi Luish Kampush 18 yoshli futbolchini jamoaga olib kelishdan manfaatdor. "Marca" nashri xabar berishicha, PSJ vakillari bir necha oydan beri "Kastilya"da toʻp surayotgan yosh ispaniyalikni kuzatib kelmoqda va uni klubning yangi strategiyasiga mos deb hisoblamoqda. Ushbu strategiyaga koʻra, jamoa superyulduzlardan voz kechib, yosh isteʼdodlarga tayanishni rejalashtirgan.

Biroq Martinesni Madriddan olib ketish oson boʻlmaydi. "Real" futbolchiga katta ishonch bildirmoqda va uni sotishni istamayapti. Uning klub bilan amaldagi shartnomasi 2029 yilga qadar moʻljallangan boʻlib, tovon puli 150 million evroni tashkil qiladi.