ПСЖ сафарда қийин ғалабага эришди

Франция чемпионати 20-туридан ўрин олган "Анже" - ПСЖ баҳси ўз ниҳоясига етди. Учрашув парижликларнинг минимал 0-1 ҳисобидаги ғалабаси билан якунланди. Учрашувдаги ягона голга меҳмонлар сафида Лейвин Кюрзава муаллифлик қилди.

Ушбу ғалабадан сўнг, ПСЖ очколари сонини 42 тага етказган ҳолда 1-ўринда бормоқда. "Анже" эса 30 очко билан 7-ўринни эгаллаб турибди.

• 90+4'
  

  Учрашув якунланди! ПСЖ сафарда минимум ҳисобдаги қийин ғалабага эришди. Матнли трансляцияни Абдулла Маннонов олиб борди.

• 90+3'
  

  Ух, бундай қўпол чалиш учун Неймар қизил олмаса бўлди эди, хайрият, ҳакам унга сариқ карточка кўрсатди. 

• 90+'
  

  1-таймга 3 дақиқа вақт қўшиб берилди.

• 90'
  

  Стефан Мулега бесабаб сариқ карточка кўрсатилди...

• 89'
  

  Марко Верратти сариқ карточка олди.

• 87'
  

  ПСЖда ҳам ўзгариш: гол урган Кюрзава ўрнига Кимпембе ўйинга қўшилди.

• 87'
  

  "Анже"да ўзгариш: Ибрахим Амаду ўрнига Фарид Эл-Мелали ўйинга қўшилди.

• 86'
  

  "Анже" бурчак тўпидан унумли фойдалана олмади.

• 84'
  

  Неймар бурчакдан тўпни ўйинга киритиб беради.

• 80'
  

  ПСЖда ҳам 2 ўзгариш амалга оширилди: Ди Мария ва Мбаппе ўрнига Андер Эррера ҳамда Пабло Сарабия майдонга тушишди.

• 75'
  

  "Анже" сафида 2 ўзгариш: Капелль ва Перейра ўрнига Тиуб ҳамда Кабо ўйинга қўшилди.

• 73'

  Ди Мария тўпни ичкарига узатди, Неймар уни эгаллай олмади.

• 71'
  

  ГОООООООООООООООООООЛЛЛ!!! ПСЖ ўйинда ҳисобни очмоқда! Лейвин Кюрзава жарима майдони ичига ажойиб тарзда ёриб кирди ва чап бурчакка кучли зарба бериб, ҳисобни очди! 0-1!

• 70'
  

  Ўзгариш: Мойзе Кин ўрнига Мауро Икарди ўйинга қўшилди.

• 69'
  

  Мезбонлар аъзоси Анжело Фьюлжени тиббий ёрдамга муҳтож. У жароҳат олди шекилли.

• 67'

  Ди Мария хавфли ўйнади.

• 66'

  Неймар рақибини чалиб йиқитди. Ҳакам жарима зарбаси белгилади.

• 65'
  

  Анжело Фьюлжени бурчакдан тўпни ўйинга киритиб беради. ПСЖ жамоавий ҳимояланмоқда.

• 63'

  Неймар жарима майдони ичига тўпни етказиб берди, бироқ бу вазиятда ҳимоячилар кўпроқ эди.

• 61'
  

  Луи Дионининг ўрнига Стефан Бахокен ўйинга қўшилди.

• 59'

  ПСЖ кучли прессинга асосланган ўйин намойиш этмоқда.

• 56'
  

  Ди Мариянинг бурчак зарбаси ҳам ҳимоячилар томонидан бартараф этилди.

• 55'

  Мбаппе тўпни Неймарга ажойиб тарзда етказиб берди, бироқ бразилиялик юлдуз тўпни йўқотди.

• 54'
  

  Ибрахим Амаду майдонда тиббий ёрдам олмоқда. Жароҳат

• 52'
  

  Луи Дионининг яқин бурчакка йўналтирган аниқ зарбасини дарвозабон моҳирлик билан қайтарди! Ажойиб сейв!

• 50'
  

  "Анже" аъзоси Фьюлжени бурчакдан тўпни ўйинга киритиб беради.

• 49'

  Мбаппенинг дарвозага берган зарбаси бироз юқорилаб кетди.

• 47'

  Луи Диони тўпга қўли билан ўйнади. Ҳакам жарима тўпи белгилади.

• 46'
  

  2-тайм бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  1-бўлим якунланди! Танаффус.

• 45+'
  

  1-таймга 1 дақиқа қўшиб берилди.

• 44'

  Мбаппе яхши очилиб, зарба позициясига чиқиб бораётган эди, бироқ Верраттининг узатмасини ҳимоячилар блоклади.

• 42'

  Верратти рақиб футболчиси билан тўқнашиб кетди, жарима зарбаси "Анже" фойдасига.

• 41'

  Флоренцининг ўткир бурчакдан берган узатмаси зарбага айланиб кетди, бироқ унга аниқлик етишмади.

• 40'

  Лассана Кулибали тўпга ўта қўпол тарзда чиқиб келди, ҳакам жарима зарбаси белгилади.

• 39'
  

  "Анже" футболчиси бурчакдан тўпни ўйинга киритиб беради.

• 37'
  

  Ух қандай имконият! Дионининг супер зарбасини Навас қайтарди!

• 35'

  "Анже" футболчиси Диони жарима майдони  ичига ажойиб узатма берди, бироқ зарба берувчи футболчи топилмади.

• 34'

  ПСЖ тўпни назорат қилмоқда.

• 32'

  Ди Мариянинг жаримадан берган кучли зарбасига бироз аниқлик етишмади. Тўп юқорилаб кетди, энди у мезбонларда.

• 29'

  Паредеснинг кучли зарбаси дарвозанинг устки қисмидан бироз баландлаб кетди.

• 28'
  

  Неймар яқиндаги шеригига тўпни ошириб, бурчак зарбасини амалга оширди.

• 27'
  

  Леандро Паредеснинг зарбаси рикошетдан сўнг майдонни тарк этди. Ҳакам бурчакни кўрсатди.

• 26'
  

  Неймар бурчакдан тўпни ўйинга киритади.

• 23'

  Мбаппенинг жарима майдони ташқарисидан туриб берган зарбаси дарвозанинг устидан ўтиб кетди.

• 21'

  Верратти дриблинг билан жарима майдони ичига ёриб кирди, бироқ ҳимоячилар тўпни ундан олиб қўйди.

• 19'

  Паредеснинг узун пасини Неймар эгаллай олмади.

• 18'

  Лассана Кулибали тўпга қўпол тарзда чиқиб келди. Фол.

• 16'

  ПСЖ тўпни ишонч билан назорат қилмоқда.

• 14'

  Мойзе Кин қўпол ўйнади. Ҳакам жарима зарбаси белгилади.

• 11'

  Верратти жарима майдони ичига узун пас берди, мезбонлар аъзоси эса уни эгаллаб олди.

• 9'

  Мбаппе жарима майдони ичига яхши ёриб кирди, бироқ ҳимоячи яхши ўйнади.

• 8'

  Анжело Фьюлженининг Навас дарвозасига берган зарбаси блокланди.

• 6'
  

  Мойзе Кин офсайдда қолиб кетди.

• 4'

  Верраттининг узоққа йўналтирилган паси блокланди.

• 3'
  

  "Анже" футболчиси бурчакдан тўпни ўйинга киритиб беради. Бироқ ноаниқ.

• 2'
  

  "Анже" футболчиси берган зарбани Навас енгил сейви билан қайтарди. Бурчак тўпи ижро этилади.

• 1'
  

  Учрашув бошланди!

• 0'

  Футболчилар майдонга чиқиб келишмоқда. Ўйин бошланиш арафасида.

• 0'

  Ассалому алайкум, қадрли футбол ихлосмандлари! Франция чемпионати 20-туридан ўрин олган "Анже" - "ПСЖ" баҳси бошланиш арафасида. Матнли трансляцияни Абдулла Маннонов олиб боради.