ПСЖ ва “Ливерпуль” бир ҳужумчи учун курашмоқда

"РБ Лейпциг" ҳужумчиси Ян Диоманде ёзги трансфер ойнасида Европанинг икки гиганти диққат марказига айланди.

Инсайдер Фабрицио Романо маълумотига кўра, ПСЖ ва “Ливерпуль” 19 ёшли ивуариялик футболчининг вакиллари билан музокаралар олиб бормоқда.

Шу билан бирга, “РБ Лейпциг” ҳам футболчини сақлаб қолиш учун ҳаракат бошлаган. Немис клуби Диомандега янги шартнома таклиф қилган бўлиб, унда товон пули ҳам кўрсатилган.

Манбага кўра, “Ливерпуль” ПСЖ вингери Брэдли Барколяни ҳам қисқа рўйхатига киритган.

Диоманде ўтган мавсум Бундеслигада 33 та ўйинда 12 та гол урди ва “Лейпциг”нинг иккинчи энг яхши тўпурарига айланди.