ПСЖ яна бир супер трансфер бўйича келишувга эришди

Римнинг “Лацио” клуби ярим ҳимоячиси Сергей Милинкович-Савич жорий ёзги трансферлар даврида жамоасини ўзгартиришга жуда яқин турибди.

Blic нашри тарқатган хабарга кўра 24 ёшли сербиялик футболчи фаолиятини ПСЖда давом эттиради. Маълумотларга қараганда Франция чемпиони ушбу трансфер масаласида римликлар билан деярлик келишувга эришиб бўлган. Бунга футболчининг ўзи ҳам розилик билдирган. Энди фақат уни имзолаш қолган холос.

Эслатиб ўтамиз, Милинкович-Савич ўтган мавсум “Лацио” сафида жами 43та ўйинда майдонга тушди ва ўз ҳисобига 7та гол ёздириб қўйишга эришди.