ПСЖ яна камида бир йил Jordan брендидан фойдаланади

ПСЖ ва Jordan брендлари ўртасидаги ҳамкорлик камида 2022 йилгача давом этади. Бу ҳақда la source parisienne нашри хабар бермоқда.

Айтиш лозимки, томонлар ўртасидаги амалдаги келишув 2021 йилга қадар имзоланган эди. Тез орада ушбу шартнома узайтирилиши кутилмоқда. Аммо, янги келишув қанча йилга имзоланиши ҳозирча номаълум.

Jordan - бу ПСЖнинг техник ҳамкори бўлган Nike компанияси томонидан ишлаб чиқарилган бренд ҳисобланади. 2019 йил Париж клуби ва Nike ўртасида 2032 йилга қадар мўлжалланган узоқ муддатли шартнома имзоланган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)