ПСЖ юлдузи “Барселона”га ўтиб кетмоқчи
“Барселона” раҳбарияти ПСЖ ҳужумкор футболчиси Брэдли Барколага жиддий қизиқиш билдирмоқда. Бу ҳақда нуфузли манба – El Nacional нашри хабар берди.
Манбанинг таъкидлашича, “Пари Сен-Жермен” яқинда ўз сафига Хвича Кварацхелияни қўшиб олганидан кейин 22 ёшли Брэдли Баркола жамоадаги келажагидан хавотирга тушиб қолган ва жамоасини алмаштиришга мойиллик билдирмоқда.
Каталонияликлар Париж клубининг асосий тўпурарларидан бирини кейинчалик сотиб олиш ҳуқуқи билан ижарага олишни мўлжаллаяпти.
Баркола жорий мавсумда барча турнирларда 33 та учрашувда майдонга тушиб, 15 та гол ва саккизта ассист қайд этди. ПСЖ билан 2028 йилнинг ярмигача давом этадиган шартномага эга футболчи Transfermarkt томонидан 65 миллион еврога баҳоланмоқда.
Фикрлар